«Реал» дарвозабони Тибо Куртуа «Барселона»га қарши ўйинда майдонга тушмайди.
Аввалроқ бельгиялик дарвозабон грипп сабабли учрашувни ўтказиб юбориши керак бўлса-да, «эл-класико»да иштирок этиш ниятида экани ҳақида хабар берилганди.
The Athletic нашри Куртуа жамоа билан сафардаги ўйинга йўл олиши ва майдонга тушиш умидини сақлаб қолаётганини маълум қилган эди.
Бироқ Marca нашрининг хабар беришича, футболчи Мадридда қолиши ва «Камп Ноу»даги учрашувни ўтказиб юбориши тасдиқланган.
Куртуа сўнгги дамларгача ўйинда иштирок этишга умид қилган, аммо бугун «Реал» дарвозасини Андрей Лунин қўриқлайди.
