UFCнинг ярим енгил вазн тоифасидаги чемпиони, австралиялик Александр Волкановски UFCнинг 70 кг гача бўлган вазн тоифасидаги рейтингида иккинчи ўринни эгаллаб турган, Арманистон ва Россия номидан иштирок этувчи Арман Царукянга қарши ҳам енгил вазн тоифасидаги чемпионлик камари учун жанг қилишга тайёрлигини айтди.
"Албатта. 100 фоиз. Шубҳасиз. Ягона муаммо шундаки, мен... Менинг позициям ҳар доим шундай бўлган: бирор нарсани талаб қилишдан олдин, унга лойиқ эканингни исботлашинг керак. Ва мен ҳозир енгил вазн тоифасида чемпионлик камари учун жанг қилиш имкониятига лойиқман, деб ҳисоблайман.
Шунга қарамай, бу дивизионда бундай имкониятга лойиқ бўлган бошқа жангчилар ҳам жуда кўп. Шунинг учун, агар мен бу жангни ўтказиб, дивизиондаги жараённи секинлаштирмасам, мамнун бўламан. Арман билан жангимиз ҳам ажойиб бўларди, у кучли жангчи", — дея Волкановскининг сўзларини келтиради MMA Fighting портали.
