Германия чемпионатининг 7-турида «Хоффенхайм» ўз майдонида 2024 йилги мамлакат чемпиони «Байер»ни қабул қилди.
Учрашувда ҳисоб ўйин тугашига 10 дақиқа қолганида очилди. Андрей Крамарич пенальтини аниқ амалга ошириб, жамоасини олдинга олиб чиқди.
Маълум бўлишича, ушбу гол «Хоффенхайм»нинг Германия чемпионатидаги юбилей — 1000-голи бўлди.
Шундан сўнг жамоа яна икки марта рақиб дарвозасини ишғол қилди ва «фармацевтлар»ни йирик ҳисобда мағлуб этди.
Германия чемпионатининг кейинги, 8-турида «Хоффенхайм» 31 октябрь куни меҳмонда Бременнинг «Вердер» клубига қарши баҳс олиб боради.
