«Милан»дан ўз майдонида мағлубиятга учраганига қарамай, «Удинезе» раҳбарияти бош мураббий Коста Руньяичга ишонч билдиришда давом этмоқда. ANSA агентлиги хабар беришича, клуб мутахассисдан вазиятни қачонгача ўнглаш талаб қилинишини белгиламаган.
«Удинезе» эгаси Жино Поццо ҳозирча Руньяич билан шартнома муддати тугайдиган июнгача ҳамкорликни давом эттириш тарафдори. Италия чемпионатининг 10 туридан кейин жамоа атиги 4 очко тўплаган, А Сериясидаги мағлубиятлар серияси эса олтита ўйинга етган.
Яқинда «Парма» ва «Рома»га қарши ўтказиладиган учрашувлардан кейин вазият ўзгариши мумкин. Клуб мураббийни алмаштиришнинг эҳтимолий вариантларини ўрганган, аммо ҳозирча ҳеч ким билан расмий музокара олиб бормаган.
