«Реал», «Барселона», «Интер», «Милан» ва Бразилия терма жамоасининг собиқ ҳужумчиси Роналдо ўзи қўлга киритган иккита «Олтин тўп» мукофотидан қайси бирини кўпроқ қадрлашини маълум қилди.
Бразилиялик афсонавий футболчи 2026 йилги «Олтин тўп»ни топшириш маросимида иштирок этиб, йилнинг энг яхши футболчиси деб топилган Ҳарри Кейнга мукофотни топширди.
«Мен қўлга киритган иккала «Олтин тўп» ҳам муҳим аҳамиятга эга. Аммо улардан бирини танлашимга тўғри келса, 2002 йилда олган мукофотимни танлардим», — деди Роналдо тақдирлаш маросимида.
Роналдо илк «Олтин тўп»ини 21 ёшида, «Интер» футболчиси сифатида қўлга киритган.
Иккинчи марта эса бразилиялик ҳужумчи 2002 йилда футболдаги энг нуфузли индивидуал мукофотга сазовор бўлган. Ўша йили у «Реал» сафида тўп сурган, шунингдек, Бразилия терма жамоаси билан жаҳон чемпиони бўлган эди.
