"Сантос"нинг юлдузли ҳужумчиси Неймар Бразилия чемпионати доирасида "Баия"га қарши яқинда бўлиб ўтган учрашувда майдондан четлатилди. Баҳс 1:1 ҳисобида якунланди.
34 ёшли ҳужумчи рақиб футболчиси билан тортишув пайтида оғзини қўли билан тўсгани учун қизил карточка билан жазоланди. Бу ҳолат учун Неймар олтита учрашувгача дисквалификация қилиниши мумкин. Яқин кунларда интизомий мажлис бўлиб ўтади ва унда якуний қарор қабул қилинади.
Неймар жорий мавсумда Бразилия чемпионатида "Сантос" сафида 15 та учрашувда иштирок этди. Ҳужумчи ҳисобида саккизта гол (уларнинг тўрттаси пенальтидан) ва учта голли узатма бор.
