"ПСЖ" бош мураббийи Луис Энрике жамоанинг Франция чемпионати турнир жадвалидаги етакчилиги ҳақида фикр билдирди.
Парижликлар чемпионатда мавсумни омадсиз бошлашди, аммо вазиятни тезда тўғрилаб, ўзлари учун одатий бўлган биринчи ўринни эгаллашди. Душанба куни амалдаги чемпионлар ўз майдонида "Лион"ни 2:0 ҳисобида мағлуб этишди. Бу жамоанинг кетма-кет бешинчи ғалабаси бўлди.
"Мен учун жамоанинг қийин бошланишдан кейин биринчи ўринга кўтарилгани кўп нарсани англатади. Биз ўсиб боряпмиз.
Машғулотларда футболчиларнинг маҳорати ва амбицияларини кўряпман. Ҳозирча мавсумнинг бошланиш давридамиз. Чемпионлар лигасида атиги учта ўйин ўтказилди. Олдинда узоқ йўл бор. Баъзан ғалаба қозонамиз, баъзан эса йўқ, аммо жамоа ғалабаларга интилишда давом этмоқда ва матонат намойиш этмоқда.
Ҳозир чўққи формага чиқиш вақти эмас. Биз мавсумнинг ҳал қилувчи босқичига — келаси йил апрелига — энг яхши ҳолатда етиб бориш учун аста-секин ўз ўйин ритмимизни топяпмиз", — дея Энрикенинг сўзларини келтирмоқда ParisSG INFOS.
"ПСЖ" саккизта турдан кейин 17 очко билан Лига 1 жадвалида пешқадамлик қилмоқда. Парижликлар иккинчи ўриндаги "Ренн"дан бир очкога олдинда.
