"Ливерпуль"нинг собиқ ҳимоячиси Жейми Каррагер Харри Кейнга "Олтин тўп" мукофоти топширилгани ҳақида фикр билдирди.
"Бавария" ва Англия терма жамоаси ҳужумчиси France Football талқинига кўра, ўтган мавсумнинг энг яхши футболчиси деб топилди.
"Унинг фаолияти қандай кечгани, қандай футболчи экани ва мамлакатимизда "Олтин тўп" соҳиблари кўп эмаслигини ҳисобга олсам, жуда хурсандман.
Орадан анча вақт ўтди. Собиқ жамоадошим Майкл Оуэн 2001 йилда ушбу мукофотни қўлга киритган сўнгги англиялик футболчи эди. Шунинг учун узоқ кутишга тўғри келди. Аммо Харри Кейн ва, менимча, келажакда "Олтин тўп"ни қўлга киритадиган Жуд Беллингем ҳақида гапирадиган бўлсак, мамлакатимизда ўз даврининг энг яхши икки футболчиси бор.
Мен Кейн ва бутун мамлакат учун хурсандман", — деди Каррагер.
