«Милан» раҳбариятини кучайтириш учун Маркус Креше асосий номзод бўлиб турибди. Бироқ у билан бирга «Айнтрахт»нинг яна бир раҳбари Тиммо Харданг ҳам Италияга кўчиб ўтиши мумкин.
Журналист Флориан Плеттенбергнинг хабар беришича, Харданг Франкфурт клубини тарк этса, Креше билан бирга ишлашни истайди. «Милан» эса уни футбол йўналиши раҳбари лавозимига номзод сифатида кўриб чиқмоқда.
Клуб эгаси Жерри Кардинале ҳам спорт директори лавозимини жорий этишни режалаштирган. У ҳозирча вазият ривожини кузатиб, якуний қарор қабул қилишга шошилмаяпти.
