Аввал хабар берганимиздек, Кларенс Зеедорф «Коринтианс» бош мураббийи сифатидаги дебют учрашувида мағлубиятга учради. Бироқ европа футболи собиқ юлдузи бу натижадан тушкунликка тушгани йўқ.
«Менимча, “Коринтианс” ғалабага интилишини ва ўз кучига ишончини намойиш этди. Кийиниш хонасига кирганимизда, “Ҳали ҳаммаси тугагани йўқ”, деган гаплар айтилди. Биз нималарга қодирлигимизни биламиз.
Энди ўз майдонимизда ўйнаймиз ва кейинги учрашувга тайёргарлик кўряпмиз. Бу мағлубиятни унутдик. Афсуски, исталган натижага эриша олмадик, аммо бу — бизнинг йўлимизнинг бир қисми», — дея Зеедорфнинг сўзларини келтирмоқда PianetaMilan.it.
