«Реал» ҳужумчиси Винисиус Жуниор аввалги ўйин савиясини тиклаш учун мутахассислар билан иш олиб бормоқда.

Журналист Томас Гонсалес-Мартиннинг хабар беришича, бразилиялик футболчи жисмоний ҳолатини чуқур таҳлил қилиб, ўйинидаги пасайиш сабабларини аниқлашга ҳаракат қилмоқда.

Винисиус авваллари рақибларни осонлик билан алдаб ўтиб, тезлиги эвазига устунликка эришган бўлса, ҳозирда бу ҳаракатларни бажаришда қийналмоқда. Футболчи бунинг сабабини билиш ва аввалги формасига қайтишни мақсад қилган.

Жорий мавсумда Винисиус «Реал» сафида 11 та ўйин ўтказиб, 1 та гол ва 3 та ассист қайд этди.

Унинг мадридликлар билан шартномаси 2032 йил 30 июнгача амал қилади.