Франция терма жамоаси ҳужумчиси ва капитани Килиан Мбаппе яқиндаги интервьюсида уни ҳарбий кийимда тасвирлаган интернет-мемлар ҳақида фикр билдирди. Футболчининг айтишича, унинг юзини Хитой Халқ Республикасининг собиқ раҳбари Мао Цзэдун суратига жойлаштирилган мем айниқса кулдирган.
Бироқ Мбаппе Хитойнинг собиқ раҳбарини «диктатор» деб атагани мамлакат ҳукумати томонидан салбий қабул қилинди. Шундан сўнг Хитойда Ла Лига учрашувлари трансляциясини тўхтатиш ҳақида қарор қабул қилингани хабар қилинди.
Marca нашри маълумотига кўра, бу билан боғлиқ чоралар компьютер ўйинларига ҳам таъсир кўрсатиши мумкин. Жумладан, EA Sports Хитой учун мўлжалланган EA FC 27 версиясидаги онлайн режимдан Мбаппени олиб ташлаш бўйича янгиланиш тайёрламоқда.
Шунингдек, Konami ҳам ўзининг футбол симуляторлари ўйинларининг Хитой версияларида шунга ўхшаш чора кўриши кутилмоқда. Унга кўра, Мбаппе нафақат жамоалар таркибидан чиқарилади, балки ўйиндан барча карточкалари билан бирга бутунлай олиб ташланади.
