"Бавария" ҳужумчиси Харри Кейн клуб билан янги шартнома имзолашга жуда яқин турибди.
The Touchline нашрининг хабар беришича, 2026 йилги "Олтин тўп" соҳиби мюнхенликлар таклиф қилган шартлардан тўлиқ мамнун.
Томонлар келишувнинг айрим кичик тафсилотларини ҳал қилиши қолган. Шундан сўнг янги шартнома имзоланиши кутилмоқда.
33 ёшли англиялик футболчининг "Бавария" билан амалдаги келишуви 2027 йил ёзида якунланади.
Кейн Германия клуби сафида ҳозиргача 159 та ўйин ўтказиб, 156 та гол ва 40 та ассист қайд этган.
"Бавария" навбатдаги учрашувини 31 октябрь куни Дортмунднинг "Боруссия" клубига қарши ўтказади.
