"Монако" ярим ҳимоячиси Ламин Камара Англиянинг икки йирик клуби эътиборини тортмоқда.
ESPN нашрининг хабар беришича, "Ливерпуль" 22 ёшли сенегаллик футболчининг вакиллари билан алоқага чиққан. Мерсисайдликлар Камаранинг келажагига оид режалардан хабардор қилиб туришни сўраган.
Маълумотларга кўра, футболчининг январь ойида бошқа клубга ўтиши истисно қилинган. Шу боис "Ливерпуль" уни келаси ёзги трансферлар даврида қўлга киритиш имкониятини ўрганмоқда.
Камара ўтган ёзда 55 миллион евро эвазига "Челси"га ўтиши мумкин эди. Бироқ музокаралар якунида трансфер амалга ошмай қолган. Шунга қарамай, лондонликлар ярим ҳимоячини сотиб олиш ниятидан воз кечмаган.
Жорий мавсумда Ламин Камара "Монако" сафида 12 та учрашув ўтказиб, 2 та гол ва 1 та голли узатма қайд этган.
