«Эвертон» ярим ҳимоячиси Жек Грилиш клуб интизомини бузгани учун Англия Лига кубогидаги «Ньюкасл»га қарши ўйиндан (3:1) четлатилди.
The Athletic ва BBC маълумотига кўра, «Манчестер Сити»дан ижарага олинган 31 ёшли футболчи рухсатсиз машғулотни ўтказиб юборган. Шу сабабли у учрашув қайдномасига киритилмаган.
«Бу клубнинг қарори. Мен бу ҳақда кўп гапиришни истамайман, аммо қарорни қўллаб-қувватлайман», — деди бош мураббий Дэвид Мойес.
Грилиш жорий мавсумда АПЛда 6 та ўйин ўтказиб, ҳозирча гол ёки ассист қайд этмаган.
