"Бетис"нинг бразилиялик ҳимоячиси Натан Испания фуқаролигини олиш учун ҳужжат топшириш жараёнини бошлади.
Ла Лигада икки йил ўтказган футболчи Испания паспортини қўлга киритса, Европа Иттифоқи фуқароси мақомига эга бўлади. Бу эса "Бетис"га ЕИга кирмайдиган мамлакатлардан яна бир футболчини рўйхатдан ўтказиш имконини беради.
Натан сўнгги вақтларда Испания чемпионатидаги ўйинлари билан эътибор қозонмоқда. Шу сабабли унга Европанинг йирик клублари, жумладан, "Барселона" ҳам қизиқиш билдирмоқда.
Бразилиялик ҳимоячининг яқин келажакда бошқа жамоага ўтиши ҳам истисно этилмаяпти.
