UFC’нинг ўрта вазн тоифасидаги (84 кг гача) собиқ чемпиони, Бирлашган Араб Амирликлари (БАА) номидан иштирок этувчи Ҳамзат Чимаев октагонга қайтиши ҳақида фикр билдирди.
"Умид қиламанки, тез орада, жуда тез орада. Машғулотларни давом эттиряпман, промоушендан жанг ҳақида сўраяпман. Шунинг учун кўрамиз. Шон Стрикленд, Нассурдин Имавов ва бошқа йигитлар ўртасида нима бўлаётганини билмайман. Агар улар жанг қилишса, жанг қилишаверсин. Агар жанг қилишмаса, мен улардан бири билан октагонга чиқмоқчиман", — дея Чимаевнинг сўзларини келтиради MMA Fighting.
Россиялик жангчи 2018 йилда аралаш яккакураш бўйича профессионал фаолиятини бошлаган, 2020 йилдан буён UFCда иштирок этиб келмоқда. 2025 йилда ўрта вазн тоифасида чемпион бўлган. UFCда жами 10 та жанг ўтказган. Сўнгги жангда фаолиятидаги илк мағлубиятини қабул қилиб, чемпионлик камаридан айрилган.
