ОФК Элит Чемпионлар лигасининг 4-туридан ўрин олган «Тракторсози» ва «Нефтчи» ўртасидаги учрашувда жамоалар қандай рангдаги либосларда майдонга тушиши аниқлаштирилди.
Баҳс олдидан Уммон пойтахти Маскат шаҳридаги «Radisson Hormuz» меҳмонхонасида ташкилий йиғилиш ташкил этилди.
Унда учрашувни ўтказиш билан боғлиқ масалалар муҳокама қилиниб, жамоаларнинг ўйин либослари келишиб олинди.
Қарорга кўра, Фарғонанинг «Нефтчи» клуби оқ-қора рангли либосда ҳаракат қилади. Эроннинг «Тракторсози» жамоаси эса қизил-қора либосда майдонга тушади.
