"Ливерпуль" ярим ҳимоячиси Алексис Мак Аллистер АПЛнинг 9-турида "Арсенал"га қарши учрашув олдидан жамоасининг имкониятларини баҳолади.
"Арсенал" ҳозир биздан яхшироқ ҳолатда. Аввал ҳам айтганимдек, улар айни пайтда дунёнинг энг кучли жамоаларидан бири ва мақтовга лойиқ.
Бизни жуда қийин ўйин кутмоқда. Аммо уларни мағлуб эта оладиган жамоа бўлса, менимча, бу биз. Айниқса, "Энфилд"да.
Биз тобора кучайиб боряпмиз. Мухлислар ва жамоа ўртасидаги алоқани ҳис қиляпман. Қолаверса, "Арсенал"ни қандай енгишни биламиз, чунки буни аввал ҳам уддалаганмиз", — деди аргентиналик футболчи.
"Ливерпуль" "Арсенал"га қарши сўнгги тўртта ўйинда мағлуб бўлмаган — бир ғалаба ва уч дуранг.
Учрашув бугун, 1 ноябрь куни Тошкент вақти билан соат 21:30 да бошланади. "Ливерпуль" пешқадамлардан олти очко ортда қолмоқда.
