«Манчестер Юнайтед»нинг собиқ бош мураббийи Эрик тен Ҳаг «Ал-Насср» ва Португалия терма жамоаси ҳужумчиси Криштиану Роналду ҳақида ўз фикрларини билдирди.
«Ҳеч қандай тушунмовчилик бўлмаслиги учун очиқ айтаман: у, шубҳасиз, буюк футболчи. Дунёнинг энг яхши ўйинчиларидан бири.
Бироқ ҳақиқат шундаки, сўнгги етти-саккиз йил давомида у аввалги даражасида ўйнай олмаяпти. «Ювентус»дан кейин унинг фаолиятида ҳаммаси тугади», — дея тен Ҳагнинг сўзларини келтирмоқда A Bola нашри.
Маълумот учун, Криштиану Роналду фаолияти давомида «Спортинг», «Манчестер Юнайтед», «Реал Мадрид» ва «Ювентус» клублари шарафини ҳимоя қилган.
