Франция чемпионати 9-туридан ўрин олган «Париж» ва «Монако» жамоалари ўртасидаги учрашув якунланди. Унда мезбонлар 3:1 ҳисобида ғалаба қозонди.
Учрашувнинг 38-дақиқасида Лассин Синайоко ҳисобни очиб, «Париж»ни олдинга олиб чиқди. Биринчи бўлим якунига яқин, 44-дақиқада у дубл қайд этиб, жамоасининг устунлигини янада оширди.
Иккинчи бўлимнинг 65-дақиқасида «Монако» ҳужумчиси Фоларин Балоган Вандерсоннинг узатмасидан кейин битта гол уриб, ҳисобдаги фарқни қисқартирди. Бироқ 74-дақиқада Пабло Пажи рақиб дарвозасини ишғол этиб, «Париж»нинг якуний ғалабасини таъминлади.
Ушбу ғалабадан сўнг «Париж» 17 очко билан Лига 1 турнир жадвалининг 4-поғонасидан жой олди. «Монако» эса 15 очко билан 6-ўринда бормоқда.
Франция чемпионати. 9-тур
Париж – Монако 3:1
Голлар: Синайоко, 38 (1:0), Синайоко, 44 (2:0), Балоган, 65 (2:1), Пажи, 74 (3:1).
