"Наполи" мағлубиятга учраганига қарамай, жамоа сардори Жованни Ди Лоренцо туринликлар бош мураббийи Лучано Спаллетти билан учрашганидан мамнунлигини билдирди. "Ювентус" неаполликлар дарвозасига жавобсиз иккита гол урди. Футболчи нима учун бундай муносабатда эканини ҳам тушунтирди.
"У мендан оиламнинг аҳволини сўради. Мураббий билан бизни алоҳида муносабатлар боғлаб туради. Биз биргаликда унутилмас икки йилни бошдан кечирдик. Бу даврнинг энг ёрқин нуқтаси чемпионлик — Скудеттони қўлга киритиш бўлди. У менга "Наполи"да ҳам, миллий терма жамоада ҳам жуда кўп нарса берган. У билан яна учрашиш мен учун доимо ёқимли", — дея футболчининг сўзларини келтиради calcionapoli1926.it.
Эслатиб ўтамиз, ҳозирда "Наполи"га Массимилиано Аллегри устозлик қилмоқда.
