"Ювентус"нинг "Наполи"га қарши ўйинида иккинчи голни киритган Жереми Бога учрашувдан кейин ўз фикрлари билан ўртоқлашди.
"Биз бор кучимиз билан курашдик ва бутун борлиғимизни ўйинга бағишладик. Бу ҳақда ҳатто учрашувдан олдин ҳам гаплашгандик. Бундай ғалаба катта мамнуният бағишлайди, чунки "Наполи" кучли жамоа. Энди олдинга қараб ҳаракат қилишимиз ва бу ўйинни ўзига хос намуна сифатида қабул қилишимиз керак. Алайбегович ҳақиқатан ҳам иқтидорли футболчи. Баъзан унга ўз кучига ишонч етишмайди, аммо у билан бирга ўйнаш осон", — дея футболчининг сўзларини келтиради calcionapoli1926.it.
Италия чемпионати кейинги турида туринликлар "Фиорентина"га қарши майдонга тушади.
