"Барселона"нинг чап қанот ҳимоячиси Алехандро Бальде қишки трансфер ойнасида клубини ўзгартириши мумкин.
23 ёшли футболчи жорий мавсумда каталонияликлар асосий таркибидаги ўрнини йўқотди. Журналист Ферран Мартинеснинг маълум қилишича, испаниялик ҳимоячи январь ойида жамоадан кетиш имкониятини кўриб чиқишга тайёр. Футболчи трансфер ўзига бўлган ишончни тиклаш ва фаолиятини янги босқичдан бошлашга ёрдам беришига тобора кўпроқ ишонмоқда.
Алехандро Бальде жорий мавсумда "Барселона"нинг тўртта учрашувида иштирок этди, аммо уларнинг бирортасида ҳам асосий таркибда майдонга тушмади. Transfermarkt портали маълумотига кўра, футболчининг бозор қиймати 40 миллион еврони ташкил этади.
