"Barselona"ning chap qanot himoyachisi Alexandro Balde qishki transfer oynasida klubini o‘zgartirishi mumkin.
23 yoshli futbolchi joriy mavsumda kataloniyaliklar asosiy tarkibidagi o‘rnini yo‘qotdi. Jurnalist Ferran Martinesning ma’lum qilishicha, ispaniyalik himoyachi yanvar oyida jamoadan ketish imkoniyatini ko‘rib chiqishga tayyor. Futbolchi transfer o‘ziga bo‘lgan ishonchni tiklash va faoliyatini yangi bosqichdan boshlashga yordam berishiga tobora ko‘proq ishonmoqda.
Alexandro Balde joriy mavsumda "Barselona"ning to‘rtta uchrashuvida ishtirok etdi, ammo ularning birortasida ham asosiy tarkibda maydonga tushmadi. Transfermarkt portali ma’lumotiga ko‘ra, futbolchining bozor qiymati 40 million yevroni tashkil etadi.
