Римнинг "Лацио" клуби "Кальяри"га қарши баҳсда қийинчилик билан кечган иродали ғалабага эришди — 2:1. Учрашувдаги вазиятдан келиб чиқиб, римликлар бош мураббийи Женнаро Гаттузо бир очкодан ҳам мамнун бўларди, аммо жамоасига уч очко келтирган футболчиларга миннатдорлик билдирди.
"Ростини айтсам, бугун йигитлар мени ҳатто ҳайратда қолдиришди. Бу ҳақиқат. Тан оламан, уйга ҳеч бўлмаганда бир очко билан қайтсам ҳам хурсанд бўлардим. Ҳаммаси футболчиларнинг ўзига боғлиқ эди: улар ҳар қандай йўл билан ғалаба қозонишни исташди. Менимча, захирадан майдонга тушган футболчилар жамоамизга куч-қувват, ўйин суръати ва шижоат қўшишди", — дея Гаттузонинг сўзларини келтирмоқда cittaceleste.it.
Эслатиб ўтамиз, "Лацио" Италия чемпионатининг дастлабки 10 та ўйинида атиги икки очко йўқотган.
