"Монако" ҳужумчиси Фоларин Балогун қишки трансфер ойнасидаёқ клубини ўзгартириши мумкин.
25 ёшли футболчи монегасклар асосий таркибидан жой ола олмаяпти, шу боис унинг келажаги ноаниқлигича қолмоқда. Transfer News Live нашрининг TEAMtalk манбасига таяниб хабар беришича, АҚШ миллий терма жамоаси ҳужумчисининг хизматлари "Манчестер Юнайтед"га таклиф қилинган. Яқинда "қизил иблислар" Беньямин Шешконинг жиддий жароҳати туфайли уни узоқ муддатга сафдан чиқарди.
Transfermarkt экспертлари Балогуннинг бозор қийматини 50 миллион еврога баҳоламоқда. "Монако" январь ойида футболчи билан хайрлашишга тайёр. Ўтган ёзда Лондоннинг "Арсенал" клуби тарбияланувчиси "Эвертон"га ўтиши мумкин эди, аммо трансфер амалга ошмай қолган.
