Лондоннинг "Арсенал" клуби "Брюгге" ҳужумчиси Николо Тресольдини сотиб олиш учун кўпроқ маблағ сарфлашга тайёр. Жамоа бош мураббийи Микель Артета ёзги трансфер ойнаси олдидан ҳужум чизиғини ушбу футболчи билан кучайтириш имкониятини кўриб чиқмоқда.
Football Insider маълумотига кўра, лондонликлар 22 ёшли немис ҳужумчисининг ҳозирги сермаҳсул ўйинларини давом эттириши унинг трансфер қиймати сезиларли даражада ошишига олиб келиши мумкинлигини тушуниб турибди.
Тресольди жорий мавсумда барча мусобақаларда 14 та ўйин ўтказиб, 12 та гол урди. Ушбу голлар орасида Чемпионлар лигасида "Интер"га қарши баҳсда қайд этилган хет-трик ҳам бор. Манбага кўра, айни пайтда "Брюгге" футболчининг трансфер қийматини тахминан 48 миллион евро деб баҳоламоқда.
Бельгия клуби қишки трансфер ойнасида Тресольдини қўйиб юборишни истамаяпти ва уни мавсум охиригача жамоада сақлаб қолишни маъқул кўрмоқда.
