Opta суперкомпьютери Англия Премьер-лигасининг жорий мавсуми якунлари бўйича прогнозини янгилади.
"Арсенал" "Ливерпуль" устидан қозонилган 1:0 ҳисобидаги ғалабадан сўнг турнир жадвалида якка пешқадамга айланди. Лондонликлар энг яқин таъқибчиси "Манчестер Сити"дан уч очкога ўзиб кетди.
Opta прогнозига кўра, "Арсенал"нинг чемпионликни қўлга киритиш эҳтимоли икки ҳафта ичида 40,6 фоиздан 68,2 фоизга кўтарилди. Иккинчи ўринда 18,9 фоиз эҳтимол билан "Манчестер Сити" бормоқда. Кучли учликни эса 6,9 фоиз кўрсаткич билан "Брайтон" якунламоқда.
Кейинги ўринлардан "Ливерпуль" (3,1%), "Челси" (1,5%), "Борнмут" (0,4%) ва "Астон Вилла" (0,3%) жой олган.
