«Удинезе» Коста Руньяич бош мураббийлик лавозимидан озод этилганини расман эълон қилди.
Football Italia хабар беришича, немис мутахассисининг ўрнини Паоло Дзанетти эгаллаши кутилмоқда. Унинг тайинланиши учун фақат шартнома имзоланиши қолган.
Руньяичнинг истеъфосига жамоанинг кетма-кет 8 та ўйинда ғалаба қозона олмагани сабаб бўлди. «Удинезе» жорий мавсум А Сериядаги ягона ғалабасини 29 август куни «Монца»га қарши баҳсда қўлга киритган.
Мураббийнинг сўнгги ўйини «Рома»дан қабул қилинган 2:5 ҳисобидаги мағлубият бўлди. «Удинезе» 10 турдан кейин 5 очко билан фақат қўшимча кўрсаткичлар эвазига хавфли ҳудуддан ташқарида турибди.
Дзанетти эса февраль ойида «Верона»дан кетганидан буён ишсиз.
