"Бавария" дарвозабони Мануэль Нойер Чемпионлар лигаси умумий босқичи 4-турида "Атлетико" устидан қозонилган ғалаба (2:0) ҳақида фикр билдирди.
"Ўйлашимча, "Бавария" биринчи дақиқаданоқ тўлиқ устунлик қилди. "Атлетико" қандай қаршилик кўрсатмасин, бизда доим жавоб топилди.
Бир бутун жамоа сифатида ҳаракат қилдик, бор кучимизни бердик ва ўйинимиздан завқ олдик. Шунчаки ақлбовар қилмас даражада ўйнадик!
"Атлетико" Испания чемпионатида "Барселона"дан атиги икки очко ортда қолмоқда. Шу сабабли бугунги ўйин бундай кечишини ҳамма ҳам кутмаган бўлса керак. Бундай футбол намойиш этиш жуда ёқимли", — дея Нойернинг сўзларини келтиради УЕФА расмий сайти.
