Англиянинг "Вест Хэм Юнайтед" клуби расмий сайти орқали Скотт Паркер бош мураббий этиб тайинланганини маълум қилди.
"46 ёшли собиқ капитан "болғачилар" билан 2,5 йиллик шартнома имзолади. У ўз вазифасини шу чоршанба кунидан бошлайди ва Чемпионшип доирасидаги "Кардифф Сити"га қарши сафар учрашувида жамоани бошқаради.
Паркернинг мураббийлар штабига Стив Поттс, Жерард Прендервилл ва Билли Лепин киради. Шунингдек, у жамоадаги собиқ шериги Марк Нобл билан яқин ҳамкорликда ишлайди. Мураббийлар штабининг якуний таркиби ҳақида батафсил маълумот кейинроқ тақдим этилади.
Аввалроқ Паркер "Фулхэм", "Борнмут" ва "Бёрнли" клубларини бошқарган. У бу жамоаларнинг ҳар бири билан Чемпионшипдан Премьер-лигага чиқишга эришган: мос равишда 2020, 2022 ва 2025 йилларда. Бундан ташқари, 2024/2025 йилги мавсум якунларига кўра, "Бёрнли"даги фаолияти учун Чемпионшипнинг энг яхши мураббийи деб топилган", — дейилади клуб хабарида.
"Вест Хэм" Чемпионшип турнир жадвалида саккизинчи ўринни эгаллаб турибди. Жамоа 13 та учрашувда 22 очко тўплаган.
