"Барселона" "Тоттенхэм" ярим ҳимоячиси Лукас Бергваллга қизиқиш билдиришда давом этмоқда. Бу ҳақда инсайдер Экрем Конур ижтимоий тармоқларда маълум қилди.
Манбага кўра, Каталония клуби ярим ҳимоя чизиғини узоқ муддатга кучайтириш имкониятларини ўрганмоқда. Швециялик футболчи эса асосий номзодлардан бири сифатида кўриб чиқилмоқда.
20 ёшли Бергвалль 2024 йил ёзида "Тоттенхэм" сафига қўшилган. Унинг Лондон клуби билан амалдаги шартномаси 2031 йилнинг июнь ойи охиригача мўлжалланган.
Transfermarkt портали швециялик ярим ҳимоячининг бозор қийматини 40 миллион еврога баҳоламоқда.
