Аламли мағлубият билан якунланган Ўзбекистонга қарши ўйиндан кейин Хитой  U-22 терма жамоаси бош мураббийи Фу Бо ўз фикрларини билдириб ўтди.

"Гол урганимизга қадар биз яхши ўйнадик ва ҳақли равишда ҳисобни очдик. Рақибимиз кучли эди ва биз қаршилик кўрсатишда давом этишимиз керак эди. Ўз навбатида қарши ҳужумда ўз имкониятларимиздан фойдаланишимиз лозим эди. Аммо жисмоний муаммолар туфайли мағлубиятга учрадик. Ҳисоб ўйинга мос бўлди деб айта олмайман.

Ўйиндан кейин юзага келган руҳий босимни енгиб ўтиш учун кейинги ўйинда ғалаба қозонишимиз шарт. Олдимизда Саудия Арабистони ва Ироққа қарши 2та ўйин турибди. Тан оламан, рақибларимиз кучли, ушбу ўйинларда керакли натижани қўлга киритишга ҳаракат қиламиз. Жанговар руҳият футболчиларга ҳам, мураббийларга ҳам зарур.

Бугунги ўйинда Ўзбекистон омад туфайли ғалаба қозонди, деб айта олмайман. Мен ўзимизнинг муаммоларимизни рақибнинг омади билан беркитмоқчи эмасман. Хатолардан хулоса чиқариб, кейин ўйинларда яхши ўйнашга ҳаракат қиламиз", дейди Фу Бо.