Испания терма жамоаси бош мураббийи Висенте Дель Боске ЖЧ-2014да Виктор Вальдеснинг ўрнини эгаллайдиган дарвозабон номини маълум қилди.

«Вальдес билан бундай ҳолат юзага келгани ачинарли. У терма жамоанинг муҳим бўлаги эди. Яхши ўйнарди, қачон ва қаерда нима қилишни яхши биларди. Жароҳат эса йўқ жойдан юзага келди.

ЖЧда терма жамоанинг учинчи дарвозабони ким бўлиши ҳақида тасаввурларим бор. Лекин ҳозирча номзодлар номини айтмайман. Боиси, улар ҳам жароҳат олиб қолишлари мумкин. Буни фақат керакли пайтда маълум қилсам, тўғри иш бўлади. Таркибларни эълон қилишгача 7 ҳафта вақт қолмоқда. Ҳасса нарса бўлиши мумкин.

Албатта, мен де Хеа ҳақида ўйладим. У номзодлардан бири. Умуман олганда, у аввал ҳам терма жамоадан таклиф олган», – дейди Дель Боске.

Эслатиб ўтамиз, «Барселона» дарвозабони Вальдес тиззасидан жароҳат олди ва операция қилинди. У 7 ой давомида майдонга туша олмайди.