Матбуот анжуманининг иккинчи қисмида "Бунёдкор" клуби бош мураббийи вазифасини бажараётган Алелксандр Волков қатнашди.

– Жуда зўр ўйин бўлди. Жамоалар инглизча футболчи кўрсатишди. Биз ғалаба учун майдонга тушган эдик ва уддаладик. Барчаси Яратгандан деб ўйлайман.

– Футболчилар жуда кўп имкониятлардан фойдалана олишмади. Шодиев айниқса.
– Бу ҳолатлар сабаб уни танқид қилиш ярамайди. У ёмон ўйнамади. Биз ўзимизга муаммолар яратдик ва уларни ўзимиз ҳал қилдик.

– Пишурдан бошқа ҳужумчилар йўқми?
– Ҳа, у гол урмади, лекин, менимча, Пишур имкониятларга эга бўлмади. Пишур жуда яхши футбочи. У бизнинг асосий ҳужумчимиз.

– Сиз мавсум тугагач чемпионлар лигасини ютиб, жамоадан кетишга розимисиз, Ди Маттео каби?
– Албатта. Ким йўқ дейди. Генерал бўлишни орзу қилмаган аскар - аскар эмас.

– Самолётда учишдан қўрқасиз деб эшитдик. Қатарга учасизми?
– Бу борада махсус курсни ўтказяпман. Ҳа жамоа билан Қатарга учаман.