Бугун, 15 май куни олий лигада 8-тури доирасида "Пахтакор" Бухорода "Бухоро" жамоасига қарши майдонга чиқади. Эдгар Гесс бошқараётган жамоа бу мавсумда бир қатор учрашувларда мазмунли ўйин кўрсатиб, мухлислар олқишларига сазовор бўлди. Аввалги уй ўйинида бухороликлар "Бунёдкор"дан очко тортиб олишди. Квесиешвили, Плямадеала ва Вуйович сингари хорижлик футболчилар ёнида маҳаллий иқтидорлар тажрибаларини ошириб боришмоқда.

"Пахтакор" ва "Бухоро" ҳозиргача олий лигада 42 бор учрашган. "Пахтакор" 30, рақиб 6 бор ғалаба қозонган. Яна 6 беллашув дуранг билан тугаган. Бухородаги 21 ўйиннинг 11тасида тошкентликлар зафар қучган. 5тадан дуранг ва мағлубият кузатилган. 93 тўп киритиб, 31 гол ўтказиб юборилган. Ўтган мавсумда "Бухоро" ўз майдонида 1:0, "Пахтакор" 2:1 ҳисобида муваффақиятга эришган.

Учрашув 15 май, пайшанба куни соат 18:30да "Бухоро" спорт мажмуаси стадионида старт олади.

«БУХОРО» - «ПАХТАКОР»
Ҳакамлар: Азиз Асимов (Тошкент), Маъмур Саидқосимов (Тошкент), Равиль Шояхметов (Тошкент), Исҳоқ Иброҳимов (Нукус).
Назоратчи: Игорь Мустафин (Тошкент).