Италия терма жамоаси Ирландия билан ўртоқлик учрашуви ўтказиб, нурсиз дурангга эришди - 0:0.

Тўрт карра жаҳон чемпионлари сафида икки ўйинчи - Рикардо Монтоливо ва Альберто Аквилани жароҳат олишди. Икки футболчи ҳам шифохонага юборилди ва энди улар жаҳон чемпионатида қатнаша олмасликлари мумкин.

Эслатиб ўтамиз, ЖЧ-2014 гуруҳ босқичида итальянлар Англия, Уругвай ва Коста-Рика терма жамоалари билан кураш олиб борадилар.

Ўртоқлик учрашуви

Италия – Ирландия – 0:0

Италия: Сиригу, Палетта, Бонуччи, Де Шильо, Дармиан (Абате, 88), Мотта (Де Росси, 62), Монтоливо (Аквилани, 15. Пароло, 37), Верратти, Маркизио, Росси (Черчи, 71), Иммобиле (Кассано, 57).