Португалия терма жамоаси яримҳимоячиси Криштиану Роналду Грецияга қарши ўртоқлик учрашувида (0:0) майдонга тушмади ва жаҳон чемпионатида терма жамоасининг Германияга қарши биринчи ўйинини ўтказиб юбориши мумкин.
Роналду терма жамоага пайшанба куни қўшилди, аммо оёғининг сон қисми жароҳати сабабли машғулотларда қатнашмаяпти.
"Агар футболчи тайёр бўлмаса, майдонга тушишини талаб қилиб унга босим бермайман. Биз ҳеч қандай дедлайн қилмоқчи эмасмиз. Унинг ўзини қандай ҳис қилиши - энг муҳими. Мен Роналдунинг ҳеч қандай таваккалсиз энг яхши тайёргарликка эга бўлишини тилайман", - дейди Португалия терма жамоаси бош мураббийи Паулу Бенту.
Эслатиб ўтамиз, охирги ҳафталарда майда жароҳатлар сабабли Роналду "Реал"нинг бир неча ўйинларини ўтказиб юборган эди.
