"Атлетико" ҳужумчиси Диего Коста нима учун туғилган юрти Бразилияни эмас, Испания терма жамоасини танлаганини яна бир бор тушунтириб ўтди.
"Луиз Фелипе Сколари ҳеч қачон менга мурожаат қилмаган. Менга мурожаат қилган ягона мураббий Висенте Дель Боске бўлади. У мен билан суҳбатлашиш учун кечки овақатга таклиф қилган.
Бу таклифни қабул қиланимдан бахтиёрман, испанлар мени ўз ака-укасидай қабул қилдилар.
Аммо мен ҳамиша бразилиялик бўлиб қоламан. Бу ҳеч қачон ўзгармайди. Албатта, Испания билан жаҳон чемпиони бўлмоқчиман, агар бу рўй бермаса Бразилияга мухлислик қиламан", - дея Костанинг сўларини келтиради A Bola.
