ESPN шарҳловчиси Майкл Йокхин ЖЧ-2014 гуруҳ босқичининг Бельгия-Россия учрашуви олдидан фикрларини билдирди.
"Агар Россия жаҳон чемпионатида Бельгияга тушмасликнинг иложини топганларида, ундан фойдаланган бўлар эдилар."Қизил иблислар" руслар учун ҳар доим қўрқинчли бўлиб келганлар, улар ўртасидаги баҳслар руслар учун кўз ёши билан тугаб келган.
Ҳар доим, жаҳон чемпионати қуръаси Россия учун Бельгияни танлаганда, унинг учун яхши тугамаган. 2014 йилда бирон нарса ўзгарадими?
Аввалги мусобақаларда руслар истеъдодироқ жамоаларга эга бўлишган, чирйли футбол кўрсатиб, фаворитлар қаторида саналишган. Унад Бельгиянинг таркиби бироз ночорроқ бўлган.
Ҳозир эса Бельгияликларнинг таркиби кучли. Руслар Эден Азар, Кевин де Брюйне ва Дрис Мертенс каби футболчилар ҳақида орзу қилишлари мумкин.
Бельгия 1986 ва 2002 йиллари рақибни ажаблантирган. Россия ўзининг бунга жавобан ўз ғалаба рецептини кўрсатиши ва Бельгия лаънатига чек қўйишлари керак", - деб ёзади Йокхин.
Эслатиб ўтамиз, Россия/СССР жаҳон чемпионатларида тўрт бор учрашган. 1970 йил собиқ совет футболчилари бельгияликларни 4:1 ҳисобда доғда қолдирганлар. 1982 йил Испанияда шўролар яна устун келган - 1:0. 1986 йил Мексикадаги мундиалда Эрик Фредриксоннинг шубҳали ҳакамлиги сабабли бельгияликларнинг қўллари баланд келади - 4:3. Ниҳоят 2002 йил Россия Бельгияга 2:3 ҳисобида мағлуб бўлган, ваҳоланки гуруҳдан чиқиш учун русларга дуранг кифоя бўлган.
