Бразилияда бўлиб ўтаётган Жаҳон чемпионатининг бронза медали учун бугун Бразилия ҳамда Голландия терма жамоалари баҳс олиб боришади.
Сайтимиз фойдаланувчилари ўртасида ўтказилган сўровноамади бронза медали эгаси қайси терма жамоа бўлишини тахмин қилишларини сўраган эдик.
Сўровномада иштирок этганларнинг 274 нафари, яъни 60,6 фоиз мухлиснинг фикрича бронза медали Европа вакили Голландия терма жамоасига насиб этади.
178 нафар мухлис, яъни иштирокчиларнинг 39,4 % фоизи мусобақа мезбонлари бронза медалларига эга чиқишини тахмин қилмоқда.
Кўрамиз, бугун кимнинг қўли баланд келар экан: немислардан қақшатқич зарбага учраб "нокаут" ҳолатида қолган Бразилиягами ёки Аргентинадан пенальтилар сериясида мағлуб бўлган аламзада Голландиягами?
