Эртага Осиё Ўйинларининг футбол мусобақасига қуръа ташланади. Инчеондаги мусобақада 30та терма жамоа иштирок этиш истагини билдирган.

Ўзбекистон терма жамоаси 1-саватчадан ўрин олди. Ушбу саватчадан, шунингдек, Жанубий Корея, Япония, БАА, Эрон, КХДР, Уммон ва Таиланд терма жамоалари ўрин олишган. Жамоамиз бу термалар билан бир гуруҳдан ўрини олмайди.

Умуман олганда, 3-саватчада 6та жамоа ўрин олган бўлса, қолган саватчалар 8та жамоалардан ташкил топган. Режага кўра, жамоалар 6та гуруҳга бўлинган ҳолда мусобақада иштирок этишлари керак эди. Аммо иштирокчи жамоалар сони кўпайгани учун мусобақа формати ўзгариши мумкин. Яъни терма жамоалар 8та гуруҳга бўлинишади. 6та гуруҳда 4тадан, 2та гуруҳда 3тадан жамоа жойлашади.

Осиё Ўйинлари футбол мусобақаси учун қуръа саватчалари:
1-саватча: Жанубий Корея, Япония, БАА, Эрон, КХДР, Ўзбекистон, Уммон, Таиланд
2-саватча: Қатар, Кувайт, Вьетнам, Малайзия, Гонконг, Хитой, Ҳиндистон, Мальдив
3-саватча: Фаластин, Сингапур, Иордания, Покистон, Қирғизистон, Бангладеш
4-саватча: Афғонистон, Индонезия, Ироқ, Лаос, Непал, Саудия Арабистони, Тожикистон, Шарқий Тимор