«Манчестер Юнайтед» 2013-2014 молиявий йил учун ўз ҳисоботини эълон қилди. Унга кўра жамоанинг бир йиллик даромади 433,2 млн. фунт стерлингни ташкил қилди.

Ўтган йилги натижалар билан таққослаганда жамоанинг даромади 19,3 фоизга ошган (363,2 млн).

"МЮ"нинг тижорат фаолиятидан ишлаб топган маблағи (189,3 млн) ўтган йилга нисбатан 36,8 млн.га ошган (+ 24,1%);

Теле- ва радиотрансляциялар ҳуқуқидан топилган давромад 135,8 млн фунтни ташкил қилди (+ 33,8%);

Чипталар сотувидан тушум 108,1 млн фунт (- 0,9%);

Ҳомийлик шартномалари 135,8 млн фунтни ташкил қилди (+49,4%);

Ритейл, менчендайзинг ва лицензион товарлар савдосидан 37,5 млн фунт ишлаб топилди (-2,8%);

Мобиль алоқа ва хизматдан даромад камайган (16 млн фунт, -30,4%). Мобиль ҳамкорлар билан шартнома якунига етган;

Жамоанинг бошқа даромадлари 28,7 млн фунтни ташқаил қилди. Бу ўтган йил билан таққослаганда 2 баравар ошган.

Клубнинг умумий қарзи 389 млн.дан 342 млн фунтгача қисқарди.