Англия премьер-лигасининг 4-туридан ўрин олган «Арсенал» ва «Манчестер Сити» жамоалари ўртасидаги ўйин якунланди. Унда 2:2 ҳисобидаги жанговар дуранг қайд этилди.

Ўйиндаги илк хавфли вазият Уэлбекда юзага келди, аммо унинг "парашют" зарбаси дарвоза устунига тегиб қайтди. Умуман олганда ушбу баҳсда тўп бир неча марта устунга тегиб қайтганини таъкидлаш лозим.

Ҳисобни "шаҳарликлар" очишди. Наваснинг узатиб берган тўпини Агуэро дарвозага йўллади. Иккинчи бўлимда ўйинни янада кучайтирган "Арсенал" эса аввал Уилширнинг зарбасидан сўнг ҳисобни тенглаштири, сўнгра Санчеснинг голидан кейин олдинга чиқиб олди. Бироқ Пеллегрини шогирдлари ҳисобни тенглаштиришга муваффақ бўлишди.

Жанговар дуранг ўйинга мос бўлди деб айта оламиз.

Англия премьер-лигаси, 4-тур
"АРСЕНАЛ" - "МАНЧЕСТЕР СИТИ" - 2:2 (0:1, 2:1)
Голлар: 0:1 – 28 Агуэро, 1:1 – 63 Уилшер, 2:1 – 74 Санчес, 2:2 – 83 Демичелис.
Арсенал – Шченсни, Дебюши (Чемберс, 81), Косьельни, Мертесакер, Монреаль, Озил, Уилшер, Санчес, Фламини (Артета, 90), Рэмзи, Уэлбек (Окслейд-Чемберлен, 88).
Манчестер Сити – Жо Харт, Сабалета, Компани, Демичелис, Клиши, Фернандиньо (Коларов, 77), Лэмпард (Насри, 46), Навас, Сильва, Милнер, Агуэро (Джеко, 67).
Огоҳлантиришлар: Лэмпард (22), Сабалета (24), Фернандиньо (50), Фламини (58), Монреаль (62), Агуэро (64), Санчес (75).