Ўзбекистон терма жамоаси Осиё Ўйинларининг 2-турида йирик ғалабани қўлга киритди. Миржалол Қосимов шогирдлари Бангладеш дарвозасига жавобсиз 3та тўп йўллашди.

Ўйиндаги барча голлар биринчи бўлимда киритилди. Ўйиннинг 15 ва 21-дақиқаларида урилган голлар Воҳид Шодиев ҳисобига ёзилган бўлса, учинчи голга Сардор Рашидов муаллифлик қилди.

Бутун ўйин давомида устунликка эришган терма жамоамиздан мухлислар иккинчи бўлимда яна голлар кутишганди, бироқ иккинчи бўлимда Искандаров ва Рашидов захирага олинганидан кейин жамоамиз ҳужумда ўткир кўринишмади.

Ушбу ғалабадан кейин гуруҳда 1-ўринга кўтарилиб олдик. 22 сентябрь куни Афғонистон билан баҳс олиб борамиз.

Осиё Ўйинлари, футбол.
"В" гуруҳи, 2-тур
ЎЗБЕКИСТОН - БАНГЛАДЕШ - 3:0 (ОНЛАЙН ТРАНСЛЯЦИЯ)
Голлар: Воҳид Шодиев (14, 21), Сардор Рашидов (34)
Ўзбекистон: 1.Элдорбек Суюнов, 2.Егор Кримец, 7.Фозил Мусаев, 8.Жамшид Искандаров, 10.Владимир Козак, 13.Давронбек Ҳошимов, 15.Воҳид Шодиев, 16.Сардор Рашидов, 17.Игорь Сергеев, 19.Фаррух Сайфиев, 20.Ислом Тўхтахўжаев (С)
Захира: 3.Шерзод Файзиев, 4.Бобурбек Йўлдошев, 5.Дилшод Жўраев, 6.Азамат Исроилов, 9.Шаҳзодбек Нурматов, 11.Наврузбек Алимов, 12.Никита Рибкин, 14.Акбаржон Исматуллаев, 18.Салим Мустафоев.
Бангладеш: 12.Маҳмуд Расел, 2.Ҳасан Райҳон, 3.Кумар Бош Касто, 4.Хон Ёсин, 6.Буян Жамол, 7.Рана Соҳил, 8.Ислом Мамун Мамунул (С), 10.Бисвас Хемонта Винсент, 13.Барван Топу, 15.Мунна Ямин Човдури, 19.Аҳмед Муҳаммад Токлис
Захира: 1.Алам Саҳидул, 5.Ҳуссайн Зоҳид, 9.Сожиб Аминур Раҳмон, 11.Аҳмад Воҳид, 14.Бадша Тутул Ҳусайн, 16.Фаҳад Муҳаммад, 17.Сифат Юсуф, 18.Бабу Умар Фарук, 20.Рана Жевел    
Ҳакамлар: Ю Минг Хсун (Хитой Тайпейи), Куо Чан Ю (Хитой Тайпейи), Лим Кок Хенг (Сингапур), Чоримурод Қурбонов (Туркманистон)