Осиё Ўйинларида аёллар ўртасида 53 кг.гача бўлган вазн тоифасида мусобақа якунига кетди. Ўзбекистонлик Марина Сисоева унда 4-ўринни олди.

Ҳамюртимиз даст кўтариш машқида учинчи уринишда 89 кг. тошни ўзига бўйсунди. Марина дастлабки 2та уринишда мазкур оғирликни кўтара олмаганди. Акс ҳолда унинг натижаси яхшироқ бўлиши ҳам мумкин эди. У даст кўтаришда саккиз спортчи орасида 7-ўринни олди.

Силтаб кўтаришда эса Сисоева анча муваффақиятли ҳаракат қилиб, дастлаб 112, сўнгра 117 кг.ни кўтарди. 120 кг.ли уриниш эса муваффақиятсиз чиқди.

Медаллар учун олимпия чемпиони Зулфия Чиншанло (Қозоғистон), Жанг Ван Чионг (Хитой) ва Хсу Шу Чинг (Хитой Тайпейи) ўртасида муросасиз кураш кечди. Даст кўтаришда Зулфия рақобатчиларидан 6 ва 7 кг.га камроқ натижа қайд этди.

Силтаб кўтаришда эса қозоғистонлик атлет 132 кг.ни тошни кўтариб, ўзига тегишли бўлган жаҳон рекордини 1 кг.га янгилади. Ушбу йўналишда айнан шунча вазнни ўзига бўйсундирган тайпейлик Хсу Шу Чинг умумий натижани 233 кг.га етказиб, у ҳам жаҳон рекордини ўрнатди. Натижада Хитой Тайпайи делегацияси ўз ҳисобига дастлабки олтин медални қўшиб қўйди.

Хитойлик спортчи эса силтаб кўтаришда 126 кг. натижа қайд этди ва унинг умумий натижаси 228 кг.ни ташкил этди. У Зулфияга нисбатан бироз оғирроқ вазнга эга бўлгани учун "бронза" билан чекланди. Чиншанло эса Гуанжоу-2010да ҳам кумуш медаль билан тақдирланганди