Буюк Британия полицияси "Твиттер" ижтимоий тармоғида "Ливерпуль" ҳужумчиси Марио Балотеллига қарши ишлатилган ирқий камситишлар ва таҳдидлар устидан суриштирув бошлади, дея хабар беради ВВС.
Балотелли ўз твиттерида Англия чемпионатининг 5-турида "Лестер"га ютқазиб қўйган "МЮ" устидан кулган эди (3:5). Шундан сўнг баъзи фойдаланувчилар ҳужумчини ирқий камситиб, ҳақоратлар ёғдирган эдилар.