«Реал» дарвозабони Кейлор Навас «Эльче» қарши ўйинда (5:1) Ла лигада ўз дебютини ўтказди ва ўйиндан ўз таассуротлар билан ўртоқлашди.

«Бу жуда ажойиб. Менинг асосий мақсадларидан бири "Реал"да ва ушбу стадионда ўйнаш эди. Ғалаба қозонганимиздан хурсандман. Биз яна бир қадам ташладик ва худди шундай руҳда давом этишимиз керак.

Ҳа, баҳс мен учун хотиржам ўтди, лекин керакли вазиятларда ўзимни кўрсатишим керак эди. Бундай ўйинлар ҳимоячилар билан тил топишишда ёрдам беради, биз кўп гаплашдик.

Касильяснинг шаънига ҳуштакбозлик адолатдан эмас. Ахир унинг Мадриддаги фаолияти жуда ажойиб. Мухлислар жамоага бўлган ишончини намойиш қилиб, бизни руҳлантиришлари лозим», – дейди Навас.