"Манчестер Юнайтед" Англия Премьер-лигасининг 7-турида ўз майдонида қийин, аммо муҳим ғалабага эришди. "Эвертон" эса ҳозирги кунда Ван Гал жамоасидан асло кучсиз эмаслигини исботлади.

Мезбонлар ўзлари яратган кам сонли имкониятлардан фойдаланишди. "Эвертон"нинг ҳужумчиларини ва зарбаларини "МЮ" дарвозабони Давид де Хея катта маҳорат билан қайтарди. Боз устига, биринчи бўлим сўнгида белгиланган пенальтини испаниялик дарвозабон бартараф этди. Ўйин сўнгидаги унинг иккита сэйвлари эса шунчаки фантастика!

"МЮ" бош мураббийи 9 нафар футболчининг хизматидан фойдалана олмади, аммо ярим жамоа ҳисобланган посбоннинг жонбозлиги эвазига ғалабани сақлаб қолди.

АПЛ, 7-ТУР
"МАНЧЕСТЕР ЮНАЙТЕД" - "ЭВЕРТОН" - 2:1 (1:0)
Голлар: 1:0 – 27 Ди Мария, 1:1 – 55 Нейсмит, 2:1 – 62 Фалькао.
Ноаниқ пенальти: Лейтон Бейнс (45+4)
"Манчестер Юнайтед": Де Хеа, Блинд, Макнейр, Шоу (Блэккетт, 71), Рохо, Рафаэл, Ди Мария, Валенсия (Феллайни, 79), Мата, Фалькао (Уилсон, 73), ван Перси.
"Эвертон": Ховард, Хибберт (Браунинг, 78), Стоунз, Джагелка, Бейнс, Бешич, Бэрри, Макгиди (Осман, 77), Пиенар (Овьедо, 64), Нейсмит, Лукаку.
Огоҳлантиришлар: ван Перси (9), Бешич (17), Пиенар (26), Блинд (31), Валенсия (55), Ховард (90), Уилсон (90).